ابنى مات ليلة فرحه حكاوي شيمو

لمحة نيوز

ابني اتوفى في حادثة عربية يوم زفته على عروسته، والفرح كان شغال، وإحنا واقفين بنستقبل المعازيم، وفجأة جالنا الخبر اللي هدّ حياتنا كلنا لكن اللي حصل بعد دفن ابني خلاني أشك إن في سر كبير مستخبي، سر لو اتكشف ممكن يخليني أندم إني فتحت بيتي لعروسته!
أنا ابني الوحيد كان فرحان بفرحه زي أي شاب، وكان مستني اليوم ده من سنين. كنا مجهزين كل حاجة، والبيت مليان زغاريط وضحك، وأنا لابسة فستاني ومستنية أشوف ابني داخل عليا بعروسته.
وفجأة لقيت أخويا داخل علينا وشه أصفر، وبيترعش، ولما قرب مني قال كلمتين عمري ما هنساهُم طول حياتي.
الحقينا يا أختي ابنك عمل حادثة!
مسكت فيه وقلتله وأنا مش قادرة أقف على رجلي حادثة إيه؟! ابني فين؟! هو كويس؟! اتكلم!
بصلي ودموعه نازلة وقال البقاء لله يا أختي ابنك مات!
صرخت صرخة لحد دلوقتي حاسة إن صوتها محبوس جوا صدري، ووقعت على الأرض، والفرح اتحول لعزا في لحظة واحدة.
أما عروسته، فكانت لسه عند الكوافير، ولما عرفت اللي حصل، جات وهي بفستان الفرح، لا بتعيط ولا بتتكلم، وطلعت على الشقة اللي ابني كان مجهزها ليها، وقفلت الباب على نفسها.
فضلنا نخبط عليها بالساعات، لحد ما فتحت، وكانت قاعدة على السرير بفستانها، وباصّة لصورة ابني من غير ما تنطق بكلمة.
دفنا ابني وكرمناه يا حبيبي، ورجعنا بيتنا وكل واحد فينا شايل وجع مش قادر يوصفه.
وعروسته فضلت معانا في البيت، وأهلها جم أكتر من مرة يحاولوا ياخدوها معاهم، لكنها كانت بتقول لأ أنا مش ماشية من هنا. دي شقتي، وده بيت جوزي، وأنا هعيش فيه على ذكرياته.
في الأول قلنا دي صدمة، والبنت لسه مش مستوعبة إن جوزها مات قبل ما تفرح بيه، وسبناها براحتها.
لكن شهر عدى، وبعده شهر، وهي بتنزل وتطلع، وتقعد في شقتها بالساعات، وأهلها لا بيتكلموا عن رجوعها ولا بيحاولوا يقنعوها تبدأ حياة جديدة.
لحد ما في يوم، قعدت معاها وقلت لها بهدوء بصي يا بنتي، أنا مقدرة وجعك، والله ما في حد موجوع على ابني قدي، بس إنتِ لسه صغيرة، والحياة قدامك، وقعدتك هنا لوحدك مش هترجع اللي راح. خلي أهلك يجوا ياخدوا عفشك، وروحي اقعدي معاهم لحد ما ربنا يكتب لك الخير.
رفعت عينيها وبصتلي، وقالت جملة خلتني أسكت مكاني أمشي ليه يا ماما؟ هو أنا كنت غريبة عن ابنك؟ ده كتب كتابنا، وهو دخل عليا، وأنا بقيت مراته شرعًا وقانونًا، وأنا مش راجعة بيت أبويا!
قلت لها يا بنتي محدش قال إنك غريبة، بس إنتِ لسه في عز شبابك، وابني الله يرحمه مش هيرجع، وأنا مش عايزاكي تضيعي عمرك في الحزن.
ساعتها حطت إيدها على بطنها، وبصتلي وقالت وأنا كمان مش لوحدي يا ماما أنا حامل!
حسيت إن قلبي وقف لحظة، وبعدين قمت وعيطت، وقلت يا حبيبتي! طب ليه ما قولتيش من الأول؟ ده أنا هبقى شايلة ابن ابني على راسي!
لكن وأنا ، لاحظت إنها مش بتعيط، بالعكس، كانت هادية بشكل غريب، وكأنها كانت مستنية اللحظة دي من زمان.
قررت أتصل بأهلها وأفهم منهم الوضع.
لما أبوها رد، قلتله إزيك يا حاج؟ أنا محتاجة أتكلم معاك في موضوع بنتك. هي بتقول إنها حامل من ابني، وربنا أعلم باللي في القلوب، بس أنا عايزة نفهم هنعمل إيه دلوقتي رد عليا بحدة يعني إيه هنعمل إيه؟! بنتي تفضل في بيت جوزها، وده حقها، ولما تولد نبقى نشوف الأمور ماشية إزاي.
استغربت من طريقته وقلت يا حاج، أنا ما قلتش إنها مش مرات ابني، بس البنت لسه صغيرة، ومش عايزينها تعيش لوحدها في شقة، وأنا مش هقدر أسيبها من غير ما نفهم كل حاجة.
قال هي مش لوحدها، إنتوا أهلها، والبيت بيت جوزها، وإحنا مش جايين ناخدها بالعافية.
هنا حسيت إن الكلام مش طبيعي، فقلتله طيب يا حاج، خلينا نتفق إننا نستنى لحد ما تولد، ونعمل تحليل DNA للطفل عشان نقفل أي باب للشك، ونبقى كلنا مطمنين.
أول ما قلت كلمة تحليل، صوته اتغير، وبدأ يزعق إنتِ بتغلطي فينا يا ست إنتِ؟! بنتي محترمة، وإحنا ناس معروفين، وإنتِ إزاي ييجي في بالك تشكي في شرفها؟!
قلتله أنا ما اتهمتش حد، أنا أم فقدت ابنها، وعايزة أطمن على حفيدي، ولو كل حاجة سليمة يبقى التحليل هيطمن الكل.
رد بعصبية بنتي مش هتعمل تحليل لحد! واللي عندك اعمليه!
وقفل السكة في وشي.
فضلت قاعدة مكاني مش فاهمة، خصوصًا إن أمها كانت قاعدة جنبه طول المكالمة، وسمعتها بتقوله خلاص يا حاج، ما تكبرش الموضوع!
والغريب إنها ما سألتش حتى بنتها عاملة إيه، ولا قالت كلمة مواساة في ابني اللي مات يوم فرحه!
بعد المكالمة، دخلت على شقة ابني عشان أتكلم مع عروسته، لكن قبل ما أخبط سمعتها بتتكلم في التليفون وبتقول أيوه يا ماما، هو قال لها كده فعلًا لأ، هي بدأت تشك، بس لسه ما تعرفش حاجة.
اتجمدت مكاني، وقلبي بدأ يدق بسرعة.
مين اللي ما أعرفش عنه حاجة؟ وإيه اللي أمها وبنتها مخبيينه عني؟
خبطت على الباب، فسكتت فجأة، وبعد لحظات فتحتلي وهي بتحاول تبتسم.
قلت لها كنتِ بتكلمي مين يا بنتي؟
قالت بسرعة صاحبتي يا ماما، بتطمن عليا.
بصيت في عينيها وقلت طب قوليلي، إنتِ حامل في كام أسبوع بالظبط؟
اتلخبطت، وبعدين قالت مش

تم نسخ الرابط