ضرتي حكايات زهرة حصري

لمحة نيوز


أنا مش زعلانة عشان طردتني بس، أنا موجوعة عشان إنت ما دافعتش عني، ولا حتى سألتني إذا كنت عملت كده ولا لأ.
حاول يقرب مني وقال ارجعي معايا، وأنا أوعدك إن كل حاجة هتتغير.
هزيت راسي وقلت لأ يا جمال، أنا مش راجعة.
اټصدم وقال يعني إيه مش راجعة؟ دي لحظة ڠضب وعدت.
قلت له بالنسبة لك لحظة ڠضب، لكن بالنسبة لي كانت لحظة عرفت فيها قيمتي عندك. أنا كنت فاكرة إنك مهما اتجوزت عليا هتفضل محافظ على كرامتي، لكن إنت أول واحد كسرها.
فضل واقف ساكت، وبعدها قال طب أعمل إيه عشان تسامحيني؟
قلت له سيبني في حالي دلوقتي، أنا محتاجة وقت أفكر في حياتي بعيد عنك.
مشي يومها وهو مكسور، لكن من ساعتها ما بطلش ييجي.
كل يوم يروح لأختي، يستناني بالساعات، ويبعتلي رسائل ويطلب مني أسمعه.
وأنا كل مرة أرفض.
بعد كام يوم، قرر يواجه نعمة قدام أمه، وطلب منها تقول الحقيقة كاملة.
في الأول أنكرت، لكن لما أمه هددتها إنها مش هتقبل تعيش معاها لو فضلت تكذب، اعترفت إنها هي اللي حطت اللفة تحت المخدة.
قالت إنها كانت عايزة تثبت لجمال إن سعاد بتحاول تبوظ جوازهم، وإنها من أول يوم كانت ناوية تبعده عنها وتبقى هي الزوجة الوحيدة في حياته.
جمال ساعتها قال لها إنتي بدأتي حياتك معايا بكدبة وظلم، وخلتيني أظلم ست ملهاش ذنب. أنا مش هقدر أعيش معاكي وكأن مفيش حاجة حصلت.
نعمة فضلت ټعيط وتطلب منه يسامحها، لكنه كان أخد قراره إنه يطلقها، لأنه اكتشف إن اللي يبدأ حياته بالظلم صعب يبني بيت فيه أمان.
وبعد ما طلقها، جه لي تاني وقال خلاص يا سعاد، أنا طلقتها، ومش عايز غيرك. وأنا مش هضغط عليكي في موضوع الخلفة تاني، ولو ربنا ما كتبش لينا أطفال، هنعيش أنا وإنتي ونكمل حياتنا سوا. أنا مش عايز غير إنك ترجعي بيتي.
بصيت له وقلت يا جمال، أنا مش هقدر أرجع لمجرد إنك طلقتها. أنا محتاجة أشوف إنك اتغيرت بجد، وإنك عرفت إن الزوجة مش مجرد واحدة تعيش معاها وتخلف منها، دي إنسانة ليها
كرامة ومشاعر.
قال لي هفضل مستنيكي، حتى لو أخدتي وقت طويل.
ومن يومها وهو بيجي كل يوم، مرة يجيبلي حاجة بحبها، ومرة يقعد قدام باب بيت أختي مستنيني أخرج، ومرة يكلمني ويطلب مني أسمع صوته بس.
وأنا لحد دلوقتي رافضة أرجع، مش عشان مش بحبه، لكن عشان خاېفة أرجع وأتعرض لنفس الۏجع تاني.
وهو لسه عنده أمل إني ألين وأوافق أرجع له، وبيقول إنه مش عايز عيال بعد كده، وإنه اكتفى بيا، وإنه مستعد يبدأ معايا من جديد.
بس أنا بقيت بسأل نفسي سؤال واحد
هو الاعتذار يمسح إهانة حصلت؟ وهل ممكن الست ترجع تثق في راجل رماها في الشارع من غير ما يسمع منها، لمجرد إن واحدة تانية قالت كلمتين؟
ولا في حاجات لما بتتكسر، حتى لو اتصلحت، بتفضل علامتها موجودة في القلب؟
ويمكن جمال لسه مستني رجوعي، لكن المرة دي القرار في إيدي أنا، مش في إيده هو.

 

تم نسخ الرابط