حكاوي_شيمو

سلفتى وبنتى

لمحة نيوز

سلفتي كانت بتصر إن بنتي تنام عندها كل يوم خميس، وكنت مستغربة تعلقها ببنتي بالشكل ده.. لكن لما بنتي رجعت في يوم وفضلت تعيط وقالتلي يا ماما، أنا مش عايزة أروح عند طنط تاني، علشان هي كل ليلة بتقعد تحضن هدومي وتعيط وتقول إني شبه بنتها اللي ماتت.. حسيت إن قلبي وقع في رجلي، وقررت أعرف إيه الحكاية اللي محدش قالهالي!
أنا متجوزة بقالي 10 سنين، وعندي بنت واحدة اسمها ليلى عندها 8 سنين، وجوزي عنده أخ أكبر منه متجوز من حوالي 15 سنة، ومراته اسمها نادية.
نادية دي سلفتي، وعلاقتنا ببعض كانت كويسة جدًا، ست طيبة ومحترمة، وعمرها ما عملت معايا موقف وحش.
لكن من حوالي سنة بدأت تلاحظوا حاجة غريبة في تصرفاتها.
بقت متعلقة ببنتي ليلى بشكل مش طبيعي، وكل يوم خميس تتصل بيا وتقول إيه يا حبيبتي، ليلى هتيجي تنام عندي النهارده ولا إيه؟ أنا مستنياها من الصبح.
في الأول كنت بفرح، وأقول الحمد لله إن بنتي ليها عيلة بتحبها وبتدلعها، خصوصًا إن سلفتي مكنش عندها أطفال.
كانت تيجي تاخد ليلى بنفسها، وتجيب لها حلويات وألعاب، وتعمل لها الأكل اللي بتحبه، وتخليها تنام في أوضة مجهزاها مخصوص ليها.
حتى لما كنا بنتجمع في المناسبات، كانت نادية تفضل جنب ليلى، وتسرح شعرها وتختار لها هدومها، وساعات كانت تناديها باسم مختلف وتقولها يا حبيبتي يا روح قلبي.
كنت فاكرة إنها بتدلعها وخلاص.
لكن بعد فترة بدأت ألاحظ إن ليلى لما ترجع من عندها بتكون متغيرة.
ترجع ساكتة، ومش عايزة تحكي عملت إيه، ولو سألتها أكلتي إيه؟ نمتي فين؟ طنط جابتلك إيه؟ ترد بكلمتين وتدخل أوضتها.
في الأول قلت يمكن بتكون تعبانة من السهر واللعب.
لحد يوم الخميس اللي بعده، لما نادية اتصلت بيا وطلبت ليلى كعادتها.
قولتلها معلش يا نادية، البنت عندها مذاكرة ومش هينفع تيجي النهارده.
لقيتها اتضايقت جدًا وقالتلي طب خليها تيجي حتى ساعتين، أنا محضرة لها حاجات من بدري.
استغربت من إصرارها، وقلت لنفسي هو الموضوع وصل للدرجة دي ليه؟
جوزي لما حكيتله قاللي يا ستي سيبي البنت تفرح، مرات أخويا بتحبها وبتعتبرها بنتها.
لكن أنا بدأت أقلق، خصوصًا إن بنتي بقت كل ما أقولها هنروح عند طنط نادية، تسكت وتغير الموضوع.
وفي يوم رجعت من عندها، وكانت عينيها حمرا من العياط.
حضنتها وسألتها مالك يا حبيبتي؟ حد زعلك؟
فضلت ساكتة، ولما ضغطت عليها شوية قالتلي ماما، أنا مش عايزة أنام عند طنط نادية تاني.
قلبي اتقبض، وسألتها ليه يا حبيبتي؟ طنط عملتلك حاجة؟
هزت راسها وقالت لأ، بس هي كل ليلة بتقعد جنبي، وتحضن هدومي، وتعيط. وساعات بتصحيني من النوم وتبوسني وتقوللي متسبنيش زي ما بنتي سابتني.
اتجمدت مكاني!
سألتها بنتها مين يا ليلى؟ طنط نادية معندهاش بنت.
ردت عليا بجملة خلتني مش قادرة أنطق
هي عندها بنت يا ماما، بس بنتها في السما وأنا شوفت صورتها في أوضتها، وشبهى أوي. وطنط قالتلي إنها كانت عندها نفس سني لما ماتت.
حسيت إن في سر كبير محدش حكاهولي.
تاني يوم اتصلت بنادية وطلبت منها نتقابل، لكنها اعتذرت وقالت إنها تعبانة.
قررت أروح لها من غير ميعاد.
فتحتلي الباب، ولما شافتني اتوترت، وحاولت تدخلني الصالة، لكني لاحظت إن باب أوضة ليلى اللي بتنام فيها كان مفتوح.
دخلت عيني على السرير، لقيت عليه فستان طفلة صغير، وصورة بنت متعلقة فوق السرير.
قربت من الصورة، ولما شفت وش البنت، حسيت إن قلبي اتعصر.
كانت شبه ليلى فعلًا!
لفيت لنادية وسألتها مين البنت دي يا نادية؟ وإيه اللي حصل لها؟ وليه بنتي بتنام عندك كل خميس؟
نادية انفجرت في العياط، وقعدت على الأرض وهي بتقول أنا كنت عارفة إن اليوم ده هييجي، وكنت خايفة تعرفي الحقيقة وتمنعي ليلى عني بس والله العظيم أنا عمري ما حبيت أخد مكانك ولا أأذي بنتك.
وقبل ما تكمل كلامها، دخل جوزها من باب الشقة، وكان شايل في إيده ظرف قديم، وبص لنادية وقال
خلاص يا نادية، كفاية كتمان لازم تعرف هي بنتك بتفكرك بمين، وإيه اللي حصل ليلة الخميس اللي غير حياتنا كلنا.
ولما فتح الظرف وطلع أول ورقة منه، اكتشفت إن الحكاية أقدم بكتير مما كنت متخيلة، وإن سبب تعلق نادية ببنتي مش مجرد شبه بنتها المتوفية
لكن فيه وعد قطعته نادية

تم نسخ الرابط