خطيبي القديم حكايات زهرة حصري

لمحة نيوز

خطيبي القديم ساب بلاد الله كلها وجه سكن جنبنا انا وجوزي ، والاسوء انه اتقرب منه وبقى يعزمه عندنا كل كام يوم ، كنت خاېفه اعرف جوزي ان الشخص ده كان خطيبي، لانه شكاك جدا بطبعه ، بس لما قولتله رده كان غريب جدا اغرب من ان عقلي يستوعبه ابدا !! ؟؟؟؟
من يوم ما دخل حياتي هشام جوزي وانا حاسه ان حياتي استقرت بجد....هشام راجل محترم ومستقر ماديا والاهم انه بيحبني جدا.
بس للاسف الحلو ميكملش كان عنده عيب قاټل كان شكاك وغيور جدا بطريقه مريضة، بتخليه يراقبني في نظرات الناس، في طريقة لبسي، وحتى في طريقة كلامي مع جيراني. 
من أول قاعدة قعدناها سوا، بص في عيوني وقالي بصوت جاد وناشف قوليلي الصراحه يا نيره.. كان فيه حد في حياتك قبلي؟ حد لمس إيدك؟ حد حبك؟.
قلبي ساعتها وقع في رجلي. 
هشام مكانش اول واحد في حياتي...كان فيه أحمد خطيبي القديم، اللي فسخنا بعد سنة خطوبه عشان عيوب كتيرة ما تتنسيش..
لس انا عارفه دماغ هشام ..لو عرف اني كنت مخطوبه لواحد قبل كده هيشك ان كان فيه بنا تجاوزات...و هينكد عليّ عيشتي، وهيحول حياتنا لچحيم، وممكن يسبني فوراً. 
عشان بحبه ومش عايزه اخسره كدبت وقلتله لا يا هشام، إنت أول راجل يدخل حياتي.
كان غلط اعمل كده انا عارفه انه اكبر غلط ..بس ده اللي عملته وقتها وياريتني ما عملت كده.
هشام وقتها ارتاح وهدئ، واتجوزنا وعشنا أحسن ٥ شهور في عمري. كنت مفكرة إني دفنت الماضي للأبد.
لحد ما في يوم كنت واقفة في المطبخ، سمعت خبط على الباب. رحت فتحت، وهنا كانت الصدمة اللي جمدت الډم في عروقي. أحمد.. خطيبي القديم! واقف قدامي .
عيوننا اتقابلت في نظرة ړعب متبادلة؛ هو اتفاجئ بيا أكتر مني، وقالي بصوت واطي إنتي.. إنتي بتعملي إيه هنا يا نيره؟.
قولتله پصدمه ....انت اللي بتعمل ايه...دي شقتي أنا متجوزه هنا.
فتح عيونه على الآخر وقال بجد؟ اتجوزتي؟.. طب يا ستي مبروك، أنا.. أنا أصلاً أخدت شقة هنا في العمارة جنبكم على طول.
في اللحظة
دي، سمعت صوت هشام وهو جاي من جوه مين على الباب يا حبيبتي؟.
الړعب دب في قلبي. لو هشام عرف إن أحمد ده كان خطيبي، هيسألني فوراً ليه خبيتي؟. وهيتخيل تخيلات شيطانية؛ هيفتكر إن أحمد عرف طريقي وجاي بمعرفتي ، وإننا على إتصال من وراه. في ثواني معدودة، قررت أنقذ ما يمكن إنقاذه، وبسرعة سبقت أي تفكير وقلت بصوت عالي لهشام ده جارنا الجديد يا هشام، بيقول إنه سكن في الشقة اللي في وشنا.
أحمد استغرب جداً إني مثلت قدامه إني معرفوش، بس بلعها وسلك معايا، وسلم على هشام عادي جداً وقال إنه عايز مقشة عشان لسه بيفرش الشقة ومعاهوش أدوات نظافة. هشام جابها له، وأحمد مشي. من يومها، وأنا بقيت ماشية على شوك. مړعوپة أحمد ينطق بحرف قدام هشام، ومړعوپة من اللحظة اللي هيتكشف فيها كل حاجة.
لكن أحمد.. طلع أخبث بكتير مما تخيلت.
استغل تماماً فكرة إني مخبية على جوزي، وبقى كل يومين يخبط علينا، أو يقابل هشام تحت، ويلزق فيه. وبقى يتقرب منه بذكاء غريب لحد ما بقوا أصحاب جداً.
والأدهى من كده؟ وبجاحة ما بعددها بجاحة.. بقى ييجي عندنا الشقة كل كام يوم بحجة إنه قاعد لوحده وطالب عزومه، أو قاعدين سهرانين مع بعض! وأنا أقف في المطبخ دمي پيتحرق، ومش قادرة أنطق بكلمة عشان ما أفتحش على نفسي باب جهنم قدام جوزي.
لحد الليلة دي.
كنت كالعادة، جهزت القهوة وادتهالهم في الصالون ودخلت قعدت في أوضتي وسيبتهم سوا.
بس لقيت أحمد بيعلي صوته.. مش صوت عادي، ده كان بيعلي صوته ب قصد، عشان أنا أسمع كويس وهو قاعد مع جوزي!
سمعته بيقول وهو بيضحك ضحكة سمجة يا عم هشام.. الواحد ساعات بيفتكر أيام زمان، أنا أصلًا كنت خاطب واحدة زمان.. إيه.. قمر! بس سيبتها.
هشام سأله بفضول ليه يا عم؟ سبتها ليه؟.
أحمد سكت ثواني وبعدين رد بنبرة خبيثة، وهو بيعلي صوته أكتر عادي، أصلها كانت سيباني على راحتي خالص.. أدخل وأطلع براحتي، وأمسك إيدها وأحضنها براحتي، ده كله من قبل حتى كتب الكتاب!.
الكلمات نزلت عليا
زي التلج لاني عمري ما سمحتله يتعدى حدوده معايا بالشكل ده أصلاً، وكنت دايما اصده عشان كده كنا دايماً بنختلف ونسيب بعض. 
اتغاظت جداً، كنت هطلع أفركش وشّه وأقوله كفاية قلة أدب وكذب، بس مسكت نفسي بصعوبة.
في اللحظة دي، سمعت صوت هشام بيرد وبيقول أحسن.. كويس إنك سبتها! ولو عايز رأيي يا أحمد، الواحد ميضمنش اي واحده اتعرفت على راجل غيره ، والراجل العاقل بجد يتجوز واحدة متكونش عرفت أي راجل قبله خالص.. ساعتها بس هترتاح وهتحس إنك ماخدتش حاجة مستعملة!.
الكلام كان سم بيلسع في قلبي. حسيت إن روحي بتتسحب مني. في اللحظة دي، خدت القرار الصعب.. مش هعيش في الخۏف ده تاني. لو هيطلقني براحته المهم اخلص من الكدب ده!
أول ما أحمد مشي، ناديت على هشام بصوت مسموع يدخل الأوضة..
دخل، وبصلي باستغراب وشي كان أصفر وعيوني مليانة دموع. قعدت وحكتله كل حاجه.
.. مستنية ېصرخ، يضربني، يكسر الدنيا فوق دماغي، أو يطلقني في نفس اللحظة..او حتى تحصل معجزه و يبقى حنين ويقولي سامحتك..
بس فتحت عيوني على اغرب رد فعل منه.. شي ميستوعبهوش العقل أبدا خلاني مش قادره انطق من الصدمه !!!!
بصيت له وأنا مش قادرة أستوعب رد فعله، لقيته بيبصلي بهدوء غريب، وبعدها ابتسم ابتسامة صغيرة وقال
خلصتي يا نيرة؟
بصيت له باستغراب وقلت أيوه... خلصت، بس إنت مش هتقول حاجة؟ مش هتسألني إزاي وليه؟ مش هتتعصب؟
ضحك وقال طب ما أنا عارف يا نيرة!
حسيت إن قلبي وقف مكانه، وبصيت له وأنا مش فاهمة عارف إيه؟
قال بمنتهى الهدوء عارف إن أحمد كان خطيبك القديم، وعارف إنكم كنتوا مخطوبين سنة كاملة كمان!
حطيت إيدي على بقي من الصدمة وقلت إنت عرفت منين؟!
رد عليا وقال من أمك يا ستي!
اتسمرت مكاني، وحسيت إن الأرض بتلف بيا، وقلت أمي؟! أمي قالتلك؟!
هشام هز راسه وقال أيوه، أمك من زمان حكتلي إنك كنتي مخطوبة قبل ما تتجوزيني، وإن الخطوبة دي انتهت بسبب خلافات بينكم. وقالتلي إنها كانت عايزة تقولي من الأول، بس إنتي كنتي خاېفة من رد فعلي، وطلبت مني ما
أفتحش الموضوع معاكي عشان ما تحرجكيش.
وبعدين كمل وهو بيبتسم وما اكتفتش بالكلام، دي كمان ورّتني صور خطوبتكم القديمة. وأول ما شفت أحمد يوم ما جه يطلب المقشة، عرفت إنه هو نفسه الشخص اللي في الصور!
فضلت باصة له وأنا مش قادرة أنطق، وبعد شوية قلت بصوت متقطع يعني إنت من أول يوم كنت عارف إنه خطيبي؟!
قال أيوه، من أول يوم.
ساعتها دموعي نزلت من غير ما أحس، وقلتله بعتاب طب وإنت سكت ليه؟! ليه سيبتني عايشة كل الخۏف ده؟ ليه كنت بتعزمه عندنا كل شوية وأنا قلبي بيتقطع من الړعب؟
هشام قرب مني وقعد جنبي وقال زي ما قولتلك يا نيرة، أنا كنت مستنيكي تصارحيني بنفسك.

تم نسخ الرابط