ولدت ولدين توأم، بس جوزي كان طاير بواحد منهم
المحتويات
من النت.
معرفش عملت كده ليه وازاي اشك في عيال جبتهم من بطني ،بس كنت هتجنن وخۏفت تكون فيه. حاجه متخبيه عني
3 أيام الانتظار مروا عليا كأنهم 30 سنة!
أكل العيال وأغيرلهم وأنا عقل طير.. أكلمهم وأنا مش هنا أصلاً
لحد ما وصلتني النتيجه في اليوم التالت على الواتساب زي ما طلبت منهم
فتحتها عيني راحت على النتيجة فوراً
بالنسبة للطفل الأول سيف
تستبعد النسبة الجينية وجود صلة قرابة بيولوجية أبوة بين صاحب العينة والطفل.
بالنسبة للطفل الثاني ياسين
تؤكد النسبة الجينية وجود صلة قرابة بيولوجية قطعية أبوة بين صاحب العينة والطفل.
فضلت بصة في شاشة التليفون 5 دقايق كاملين!
بقرا السطرين من فوق لتحت..
وارجع أرفع الشاشة، وأقراهم من تحت لفوق!
خاېفة أكون مفهمتش صح.. خاېفة أكون غلبني النوم وعيني مزغللة!
بس في المرة الخامسة.. الحقيقة ضړبتني في وشي الولد اللي أيمن بېموت فيه وبيلف بيه الشقة.. مش ابنه!
والولد اللي رميه وطنش وجوده ومابيطيقش يشوفه.. هو ابنه من صلبه!
قعدت على الكنبة، وإيديا كانت بترتعش لدرجة إن التليفون كان هيقع مني على الأرض.
مش ممكن! دا جنون رسمي!
ازاي ....الولدين دول أنا اللي شايلاهم في بطني 9 شهور، ولدتهم في يوم واحد وفي نفس الساعة!
زاي يطلع واحد ابن أيمن.. والتاني لا....انا عمري ما عرفت حد غير جوزي...دي مصېبه ممكن توديني في داهيه؟!
إلا إذا...
إلا إذا كان العيل التاني اللي في البيت عندي دلوقتي..مش هو اللي ولدته أصلاً!
هل المستشفى بدّلت العيال؟!
الفكرة خلت رأسي تلف والتكييف شغال وأنا بعرق!
بدأت أفتكر اللي حصل يوم الولادة بالتفصيل الممېت..
بعد ما خرجوا العيال من بطني، الممرضة أخدتهم واختفت، وأنا فضلت محپوسة جوة ساعة كاملة عشان الخياطه والبنج..
ولما طلعت
على الأوضة.. كان السريرين محطوطين جاهزين والأولاد فيهم!
هل يعقل تكون بدلتهم....
بس اللي عرفته بعدها كان اغرب واسوء بكتير من كل اللي اتخيلته وجيه في دماغي!!!!!
ساعتها الډم اتجمد في عروقي، والبيت كله حسيته بيلف بيا.. الأفكار كانت بتاكل في دماغي زي الڼار في القش لو سيف مش ابن أيمن، يبقى ابن مين؟! وأنا اللي ولدته ورضعته من صدري! ولو هو مش ابني ولا ابن أيمن اكيد مش ابني انا عمري ما عرفت غير ايمن، إزاي دخل حياتنا؟ وليه أيمن بيحبه ويعبده بالشكل دا وهو مش ابنه بيولوجياً، بينما ياسين اللي من صلبه مش طايق يبص في وشه؟!
الموضوع مش مجرد لخبطة مستشفى عادية.. الموضوع فيه إنّ !
قررت أمسك أعصابي وما أواجهش أيمن بأي حاجة لحد ما أجمع الخيوط في إيدي. مسحت دموعي، وقمت غسلت وشي بمية ساقعة، وحطيت النتيجة في دولابي، وحلفت إني مش ههدى غير وأنا عارفة الحقيقة كاملة.
تاني يوم الصبح، استنيت أيمن لما نزل شغله، ولبست عيالي ونزلت جَري على المستشفى اللي ولدت فيها. دخلت وأنا حاسة إن قلبي هيقف من الخۏف، ورحت لمدير الرعاية والتمريض، وطلبت أقابل الممرضة اللي كانت مسؤولة عن أوضة العمليات والحضانة يوم ولادتي.
الموظفة قالت لي ببرود الممرضة دي اسمها سمر، بس هي سابت شغلها في المستشفى من شهرين وقدمت استقالتها مفاجأة!
جسمي قشعر.. استقالت مفاجأة بعد ولادتي بفترة صغيرة؟! دا يؤكد إن فيه حاجة غلط. بدأت أترجاها وبكيت قدامها أبوس إيدك ، فيه حقيقة حياة أو مۏت متوقفة عليها.. اديني عنوانها أو رقم تليفونها وهديكي اللي تطلبيه.
ست الموظفة صعبت عليها حالتي، وبعد محاولات، طلعت لي رقم تليفونها وعنوان بيتها في منطقة شعبية قريبة.
أخدت العنوان وجريت زي المچنونة. أخدت تاكسي ووصلت لبيتها، طلعت السلم ورجلي مش شايلااني، وخبطت على الباب. فتحت لي بنت في أواخر العشرينيات، أول ما شافتني، ملحقتش تتكلم لأنها أول ما بصت في وشي وعينيا، اتخضت وعرفتني على طول!
حاولت تقفل الباب في وشي، بس أنا زقيت الباب بقوتي كلها ودخلت، وفضلت اترجاها أبوس إيدك يا سمر.. انطقي! سيف وياسين مش عيالي الاتنين؟ جوزي عمل إيه يوم الولادة؟ التحليل أثبت إن سيف مش ابن أيمن.. قوليلي الحقيقة وبلاش تخربي بيتي، والله ما هبلغ عنك ولا هأذيكي بس انطقي!
سمر اتسمرت مكانها، ووشها جاب ألوان، وبعدين قعدت على الكنبة وبدأت تعيط وتقول احلفي مش هتاذيني لا انتي ولا جوزك
فضلت احلفلها لحد ما اخريا نطقت وقالت أنا أسفة.. أنا استغفر الله العظيم، الفلوس زغللت عينيا وأنا كنت محتاجة عشان أعمل عملية لأمي.. والله جوزك هو اللي خطط لكل حاجة
قلت لها بصوت يرعش أيمن؟ أيمن خطط لإيه؟ احكي بالتفصيل!
قالت لي سمر والنطق بيطلع منها بالعافية
جوزك أيمن كان متجوز عليكِ في السر.. ست تانية كان بيحبها من زمان، هو قالي كده بلسانه والست دي حملت منه في نفس الوقت اللي أنتي حملتي فيه! وقبل ولادتك بيومين بس، الست ولدت في مستشفى تانية، بس للأسف جتلها مضاعفات شديدة وماتت بعد الولادة بثواني.. وسابت له ولد.
الكلمات نزلت عليا زي الصاعقة.. جوزي متجوز عليا؟ وبيحبها؟ وماتت وهي بتولد؟!
سمر كملت كلامها وهي بترتعش
فلما مراته ماتت وسابت الولد، جوزك اتفق معايا قبل ولادتك بيوم وسلمني الولد وقالي انك هتيجي المستشفى بكره.. ودفع لي 100 ألف جنيه عشان أهرب ابن مراته المتوفية وأحطه في الحضانة جنب ابنك، وأفهمك إنك ولدتِ توأم! وكان عايز يربيه في حضنك
وتحت عينك من غير ما تشكي!
أنا سمعت الكلام دا وراسي كانت ھتنفجر من كتر الذهول والغل!
متابعة القراءة
