بصمة بالإكراه ج 2 حكايات مني السيد حصري

وبص لكشف حركة الحساب البنكي، وبعدها رفع راسه لأمين الشرطة اعمل ضبط وإحضار فوري للمدعو حازم كمال عبد الفتاح، والمدعوة شاهيناز عز الدين، بالتنسيق مع مباحث الأموال العامة ومباحث التجمع وقسم المعادي. الجريمة في حالة تلبس مستمر.
في نفس الوقت، في كافيه شيك جداً على كورنيش المعادي، كانت الترابيزة محجوزة باسم شاهيناز عز الدين.
شاهيناز قاعدة بفستانها الأسود ونضارتها الشمس الماركة، بتدخن سيجارة إلكترونية وبتبتسم وهي باصة لعقود الشراكة المفروشة قدامها. حازم كان قاعد قصادها، لابس قميص جديد وبيرتشف من فنجان الإسبريسو ورافع مناخيره للسما، مش مصدق إنه خلاص بقى شريك في بيزنس مستلزمات طبية بملايين، وإنه أخيراً كسر شوكة ندى الست اللي كانت معيشاه في شقة التجمع وبتصرف عليه.
مضيت نسختك يا حازومي؟ مضيت يا قلبي.. من اللحظة دي إحنا شركا في كل حاجة. والشركة هتكبر وتفتح فروع تانية، وسيبك بقى من كلام البت ندى دي، دي كانت بتهوش على التليفون مش أكتر.. ست جاهلة بتاع قماش ومفروشات هتعمل إيه يعني قدام ورق رسمي وبنوك؟
شاهيناز ضحكت برقة مصطنعة ومسكت إيده تؤ تؤ، بلاش سيرة الناس دي بقى، المهم دلوقتي إن الشحنة الأولى من أجهزة السونار والمناظير محجوزة في المينا، والاتنين مليون و ألف دول هيدخلوا بكرة الصبح كاش للشركة المستوردة عشان نفرج عن الأجهزة وننزلها المعرض.
حازم اتنهد بارتياح وقال بالظبط كده، والخير كتير جاي..
وفجأة، ومن غير أي مقدمات، وقف عند الترابيزة تلات رجالة ببدل مدنية سودا، ووراهم اتنين أمناء شرطة بالزي الرسمي.
كبيرهم طلع الكارنيه من جيبه الداخلي وفتحه في وش حازم المقدم تامر مباحث الأموال العامة. حازم كمال عبد الفتاح؟ حازم الفنجان وقع من إيده على المفرش الأبيض، وقهوة الإسبريسو غرقت العقود أ.. أيوة.. أنا.. فيه إيه يا فندم؟ أنتوا مين؟ مطلوب القبض عليك أنت والأستاذة شاهيناز عز الدين، بناءً على أمر ضبط وإحضار صادر من نيابة الأموال العامة والتجمع الخامس، في القضية رقم 4821 جنايات سرقة أموال بالاحتيال وغسيل أموال وشروع في القتل.
شاهيناز قامت مفزوعة، والروج بتاعها اتمسح وهي بتحط إيدها على بؤها نعم؟! أنت اتجننت يا راجل أنت؟! أنت عارف أنا مين وعيلتي مين؟! أنا دكتورة وسيدة أعمال محترمة! سرقة إيه وغسيل إيه؟! الظابط متهزش منه رمش الحساب اللي استقبل 2 مليون و ألف جنيه النهاردة الساعة 231 الضهر من حساب المواطنة ندى محمود حسنين تم التحفظ عليه بقرار رسمي من البنك المركزي المصري. وفيه بلاغ بتزوير واستغلال عجز ومسح بصمة مواطنة فاقدة للوعي. اتفضلوا معانا بهدوء ومن غير شوشرة في المكان، الكلبشات جاهزة.
الناس في الكافيه كلها لفت تبص، والموبايلات بدأت تصور والهمسات مالت المكان. حازم كان وشه بيسقط منه العرق كأنه تحت حنفية مية، ركبه خبطت في بعضها ومش قادر يقف على طوله، وبدأ يصرخ بهستيريا يا باشا أنا معملتش حاجة! دي مراتي! دي فلوس مراتي وهي اللي محولاها بمزاجها! الظابط مسكه من قفاه بصرامة ابقى قول الكلام ده لوكيل النيابة.. قدامي أنتي وهو!
اتكلبش حازم في إيد شاهيناز، ونزلوا وسط نظرات الاحتقار من كل اللي في الكافيه، واتحطوا في البوكس اللي كان واقف على الكورنيش.
على الجانب التاني، فوزية كانت قاعدة في شقة التجمع مروقة بالها، مجهزة صينية شاي بلبن وكحك العيد، وبتتصل بقرايبها في التليفون أيوة يا أم إبراهيم.. لا متقلقيش العزومة اتأجلت بس عشان الواد حازم ربنا فتحها عليه وبقى شريك في شركة مالتي ناشيونال للأجهزة الطبية، وبكرة عازمكم في فندق خمس نجوم.. البت ندى؟ لا سيبك منها دي قاعدة في المستشفى بتتدلع، وخلاص أيامها في البيت ده بقت معدودة، البيت ده هيتكتب باسم ابني خلاص!
وهي لسة بتقفل المكالمة، جرس الباب رن بقوة وعنف.. خبطات متتالية خلت فوزية تنتفض من مكانها إيه قلة الذوق دي! مين اللي بيخبط كده في العيد؟!
فتحت الباب وهي قالعة طرحتها جزئياً ومتنرفزة، بس اتصدمت لما شافت قدامها اتنين أمناء شرطة، ووراهم صاحب العمارة اللي مأجر الشقة، وجنبهم المعلم بيومي بنصيته وصنايعية ورشة المناصرة واقفين بعربيات نص نقل!
فوزية رجعت خطوة لورا وهي مخضوضة فيه إيه؟! أنتوا مين وداخلين كده إزاي؟! صاحب العمارة طلع عقد الإيجار من جيبه وقال بنبرة ناشفة الست ندى صاحبة العقد الأصلي لغت العقد رسمي وفسخته النهاردة ودفعت الشرط الجزائي، ومعاها أمر تمكين بتسليم الشقة فوراً للمالك. وقدامك ساعتين تلمي هدومك الشخصية وتفضي الشقة دي خالص! فوزية صوتها شرخ وولولت شقة إيه اللي تتفضى يا مجانين؟! دي شقة ابني حازم بيه! أنتوا بتتبلوا علينا ولا إيه؟! المعلم بيومي قرب منها، وبصلها باحتقار كان كفيل يدفنها مكانها حازم بيه بتاعك دلوقتي مشرف في حجز التجمع الخامس مكلبش مع العقروبة اللي كان بيسرق شقا مراته عشانها! والرجالة هنا جايين يفضوا العفش اللي ندى شرياه بدم قلبها من المناصرة، مسمار واحد من الشقة دي أنتي وابنك متملكوش فيه حق! اطلعي بهدومك اللي عليكي بدل ما الحكومة تخرجك بالكلابشات بتهمة التحريض على سرقة فلوس الست ندى اللي كنتي بتعايريها بريحة الغِرا!
فوزية ركبها سابت، ووقعت على الأرض في الصالة، شريط شريط اللي عملته في ندى عدى قدام عينيها
ركوع ندى في المطبخ ووجعها، إهانتها ليها، المنديل المبلول