رجع يطلب السماح بعد ما ضيع بيته بإيده

لمحة نيوز

أنا مريم، اتجوزت آسر من خمس سنين، وكان وقتها رجل أعمال ناجح، ومع مرور السنين بقى من أكبر رجال الأعمال في القاهرة. عنده شركات وعقارات وفلوس تقدر تشتري أي حاجة تقريبًا، وعشنا في فيلا كبيرة، كل ركن فيها أغلى من أحلام ناس كتير.
أي حد كان بيشوف حياتي من بره، كان بيقول إني محظوظة، لكن الحقيقة إن مفيش حاجة أصعب من إنك تعيشي وسط كل الرفاهية دي، وإنتِ حاسة إنك لوحدك!
ربنا رزقني من آسر بتلات ولاد يوسف، اللي كان عنده تلات سنين، والتوأم آدم وعمر، اللي لسه رُضّع. ومن يوم ما خلفت، وأنا شايلة مسؤوليتهم لوحدي تقريبًا. آسر كان طول الوقت مشغول بشغله واجتماعاته وسفره، يرجع بعد نص الليل، وساعات يخرج من البيت قبل ما عياله يصحوا.
لما يوسف مشي أول خطوة، أبوه كان مسافر. ولما خلفت التوأم، ماقعدش معايا في المستشفى غير أربعين دقيقة، وبعدها تليفونه رن، فقام ومشي، وما رجعش غير بعد ساعات طويلة.
كنت بعيط لوحدي، وبعدها أمسح دموعي وأقنع نفسي إنه بيتعب عشاننا، وإن الفلوس اللي بيوفرها لنا هي طريقته في التعبير عن حبه. كل مرة كان يخذلني فيها، كنت أخلق له عذر جديد، وأقول لنفسي إن بكرة هيختلف.
لكن بكرة ماجاش.
والحقيقة اللي ماكنتش عايزة أعترف بيها، إن آسر كان قادر يهتم ويحنّ ويشتاق، بس مش ليا أنا.
كان فيه ست واحدة بس، اسمها كفاية تغيّر ملامحه وتخليه ينسى الدنيا كلها.
ياسمين حبيبته الأولى.
كنت عارفة إنها كانت في حياته قبل ما يتجوزني، وإنها كانت حب طفولته، وإن علاقتهم انتهت من سنين. لكن عمري ما تخيلت إن رجوعها للقاهرة هيكون بداية نهاية جوازي.
في اليوم اللي كل حاجة اتقلبت فيه، كنت قاعدة في الصالة مع عيالي. يوسف كان على الأرض بيرسم صورة لينا كلنا، والتوأم نايمين في سريرهم. أول ما باب الفيلا اتفتح، يوسف رمى الألوان من إيده وجري ناحية أبوه وهو بيصرخ بفرحة
بابااا!
فتح دراعاته الصغيرة ، لكن آسر عدى من جنبه من غير ما يبصله حتى!
فضل ابني واقف في مكانه، دراعاته ممدودة، مستني أبوه يلف ويرجع له. ولما ده ماحصلش، نزل إيديه ببطء، ورجع قعد على الأرض من غير ما يتكلم.
المنظر ده وجعني أكتر من أي إهانة اتعرضت لها في حياتي.
كنت لسه هروح آخده في حضني، لكن آسر بصلي وقال ببرود
مريم، عايز أتكلم معاكي.
دخلت وراه على السفرة، وهناك لقيته واقف ووشه جامد، كأنه داخل اجتماع شغل، مش جاي ينهي جواز استمر خمس سنين.
قال من غير مقدمات
ياسمين رجعت.
بصيت له وأنا بحاول أستوعب، وسألته
وبعدين؟
سكت لحظة، وبعدها قال
أنا مش شايف إن فيه داعي نكمل الجوازة دي أكتر من كده.
حسيت إن الأرض بتتهز تحت رجليا.
قلتله وأنا مش مصدقة اللي بسمعه
إنت بتقول إيه يا آسر؟ إحنا عندنا تلات عيال!
رد بعصبية
أنا عارف عندي كام عيل، ومش جاي أتناقش في الموضوع.
وبعدها، بمنتهى البرود، رمى عليا يمين الطلاق، وقال إن كل حاجة بينا انتهت.
وقفت قدامه مش قادرة أتكلم. كنت مستنية منه أي تردد، أي لحظة يفتكر فيها ولاده، أو حتى يسأل نفسه إزاي هيتصرفوا لما يعرفوا إن أبوهم مش عايز يكمل مع أمهم.
لكن كل اللي كان شاغله إنه يخلص الموضوع بسرعة.
عرض عليا الفيلا، رفضت. عرض عليا العربيات والدهب والمجوهرات ومبلغ كبير من الفلوس، رفضت برضه.
اتعصب وقال
إنتِ فاهمة إنتِ بتعملي إيه؟ إنتِ بتتنازلي عن حياة كاملة!
بصيت له وقلت
أنا مش عايزة منك حاجة يا آسر.
سألني بسخرية
وهتعيشي إزاي؟ وهتربي التلات عيال دول من غير فلوسي؟
رديت وأنا بحاول أسيطر على دموعي
أنا بقالي سنين بربيهم من غير وجودك. على الأقل لما نمشي، مش هيفضلوا مستنيين أب مش بييجي.
لأول مرة، ملامحه اتغيرت، لكنه ما اعتذرش، وما حاولش يصلح أي حاجة.
طلبت منه إن أي إجراءات تخص الطلاق وحقوق الأولاد تتعمل بشكل رسمي، وإن محامي يراجع كل ورقة قبل ما أمضي عليها. وافق بضيق، كأنه شايف إن حتى حقي في إني أفهم اللي بيحصل تعطيل لوقته.
طلعت أوضتي وبدأت ألم هدوم عيالي. أخدت لبن التوأم وحفاضاتهم وأدويتهم، وحطيت هدوم يوسف وألعابه في شنطة صغيرة. وفي درج التسريحة، كان فيه مبلغ بسيط محوشاه من شغل إداري كنت بعمله من البيت على فترات.
ماكنش مبلغ كبير، لكنه كان كل اللي أملكه بعيد عن فلوس آسر.
وأنا بلم حاجتي، عيني وقعت على خاتم جوازي. شلته وحطيته على التسريحة، جنب صور فرحنا.
افتكرت اليوم اللي آسر لبسني فيه الخاتم، ووعدني إنه هيحميني طول عمره. وقتها افتكرت إن الحماية معناها الحب، لكن اكتشفت متأخر إن البيت ممكن يكون كبير وجميل، ومع ذلك يبقى أوحش مكان تعيشي فيه.
لما نزلت، لقيت يوسف واقف في الطرقة دبدوبه.
سألني ببراءة
ماما، إحنا رايحين فين؟
نزلت لمستواه وقلتله
هنروح مكان جديد يا حبيبي، هنكون فيه كلنا مع بعض.
بص ناحية السلم وسألني
وبابا هييجي معانا؟
اتحبس الكلام في حلقي، لكني هزيت راسي وقلت
لأ يا حبيبي.
سكت شوية، وبعدها سألني
طب هو ده مش بيتنا؟
حضنته وقلتله
البيت مش الحيطان يا يوسف. البيت هو المكان اللي نلاقي فيه الحب والأمان.
بصلي بعيونه الصغيرة وقال
وإنتِ هتكوني معايا؟
دموعي نزلت غصب عني.
دايمًا يا حبيبي، عمري ما هسيبك.
مسك إيدي وقال ببساطة
خلاص، يلا بينا.
خرجت من الفيلا وأنا شايلة واحد من التوأم، والتاني في الحاملة، ويوسف ماسك إيدي. آسر كان واقف فوق

تم نسخ الرابط