عشم مكسور.. صابرين محمد

لمحة نيوز

حماتي إيدها اتجبست، وكل ولادها رفضوا يعيشوها معاهم.. راحت لابنها الرابع، لكن مراته قالت له لو أمك دخلت البيت أنا وعيالي هنخرج! واللي حصل بعدها خلّى العيلة كلها تقف على رجل واحدة!
أنا متجوزة بقالي 8 سنين، وعندي ولد وبنت، وكنت طول الوقت بحاول أبعد نفسي عن مشاكل عيلة جوزي، خصوصًا إن حماتي كانت ست صعبة جدًا، ومفيش حد من ولادها قدر يعيش معاها من غير ما يطلع من عندها مكسور النفس.
حماتي اسمها نعيمة، عندها 70 سنة، وعندها خمسة أولاد، بنتين وتلاتة رجالة، لكن رغم إن حواليها عيلة كبيرة، محدش فيهم بيحب يقعد معاها، وكل واحد فيهم شايل منها وجع وذكريات صعب ينساها.
من وهي صغيرة كانت بتتعامل مع ولادها بالقسوة، وكانت مقتنعة إن الطفل اللي مبيخافش من أمه مش هيسمع كلامها. الضرب عندها كان عقاب على أي غلطة، حتى لو الغلطة بسيطة.
مرة بنتها الصغيرة، وهي لسه عندها سبع سنين، ضيعت مبلغ صغير كانت واخداه تشتري بيه طلبات من السوق، فبدل ما تدور معاها وتفهم منها، سخنت لها مية وعاقبتها بطريقة بشعة، والبنت فضلت تصرخ من الوجع وإيديها اتسلخت.
أما ابنها الكبير، فكان في يوم بيلعب مع أطفال الجيران واتأخر شوية، ولما رجع البيت ربطته نعيمة وضربته بعصاية على رجله لحد ما اتعرض لكسر شديد، والإصابة فضلت مأثرة على مشيته لحد ما كبر.
والغريب إن أبوهم كان عارف كل اللي بيحصل، لكنه كان دايمًا يختار السكوت، وكل ما واحد من عياله يشتكي له يقول له دي أمك، اسمع كلامها ومتزعلهاش.
كبروا الأولاد وهم نفسهم يهربوا من البيت، والبنتين اتجوزوا بدري، وأول ما خرجوا من تحت إيد أمهم، بقوا يزوروا أهلهم بالعافية، ومحدش فيهم كان عايز يرجع يعيش معاها.
وبعد وفاة جوزها، نعيمة بقت أصعب، وبدأت تتحكم في حياة ولادها أكتر، ولما واحد منهم قرر يتجوز، أصرت إن مراته تعيش معاها في البيت الكبير، وكانت بتقول إن أي واحدة تدخل بيتها لازم تعرف إن الكلمة الأخيرة ليها.
أول واحدة اتجوزت كانت مرات ابنها الكبير، وكانت فاكرة إنها داخلة بيت عيلة هتلاقي فيه السند والحنية، لكنها اتفاجئت إن حماتها بتعاملها كأنها خدامة.
كانت تدخل أوضتها من غير استئذان، وتفتح دولابها وتفتش في هدومها، ولو لقت حاجة مش عاجباها تشتمها، وفي مرة ضربتها بالقلم قدام بنتها الصغيرة لمجرد إنها طلبت منها متاخدش حاجتها من غير إذن.
وبعدها اتجوز الابن التاني، ودخلت مراته البيت، وبعد فترة اتجوز الابن الرابع، اللي هو جوزي، لكن أنا كنت محظوظة شوية لأن جوزي كان مصر إننا نعيش في شقة مستقلة بعيد عن أمه.
ورغم إننا كنا بعيد عنها، إلا إنها مكنتش بتسيبنا في حالنا، كانت تتصل كل شوية وتطلب مني أروح أخدمها، ولو اعتذرت بسبب العيال أو شغل البيت، تقلب المكالمة خناقة وتتهمني إني واخدة ابنها منها.
أما مرات أخوه الكبير ومرات أخوه التاني، فكانوا بيشوفوا منها الويل. كانت تقلب الأكل لو مش عاجبها، وتدخل شققهم من غير إذن، وتاخد حاجاتهم، ولو واحدة اعترضت تقول لها إنتِ داخلة بيتي بشروط، مش جاية تعيشي براحتك.
ومع مرور السنين، كل واحدة فيهم بقت بتتجنبها، لكن نعيمة كانت بتعتبر إن ده تحدي ليها، وكل ما واحدة تبعد عنها تروح لها مخصوص عشان تضايقها.
لحد ما حصلت الحكاية اللي خلت كل العيلة تقف ضدها.
كان عندها حفيدة صغيرة اسمها ملك، بنت ابنها التاني، وعمرها حوالي أربع سنين. طفلة جميلة وهادية، بتحب تلعب مع الأطفال اللي في الشارع، لكن جدتها كانت دايمًا بتراقبها وتنتقدها، خصوصًا لو شافتها بتلعب مع ولد.
وفي يوم، كانت ملك بتلعب قدام البيت مع طفلين من الجيران، وكانوا بيجروا ورا بعض وبيضحكوا، وفجأة نعيمة نزلت من البيت ونادتها.
البنت راحت لها وهي مبتسمة، لكن أول ما قربت منها، جدتها مسكتها من دراعها ونزلت عليها ضرب بالقلم على وشها.
ملك فضلت تصرخ وتقول لها إنها مش هتعمل كده تاني، لكن نعيمة كانت بتزعق فيها وتقول إنها بتعلمها الأدب قبل ما تكبر وتبقى بنت مش متربية.
أم ملك كانت فوق السطح بتنشر الغسيل، ولما سمعت صريخ بنتها نزلت تجري، وأول ما شافت حماتها ماسكة البنت وبتضربها، جريت عليها تحاول تبعدها عنها.
لكن نعيمة زعقت لها وقالت إن بنتها كانت ماسكة إيد الولاد وبتلعب معاهم، وإنها مش هتسمح لها تتربى على قلة الأدب دي.
الأم قالت لها إن دي طفلة صغيرة ومجرد بتلعب، لكن حماتها ردت عليها إنها لازم تتعلم من دلوقتي، وإلا هتكبر وتبقى فضيحة لأهلها.
الأم حاولت تشد بنتها وتمشي، لكن نعيمة مسكت وش ملك وقالت لأمها إنها لو شافتها بتلعب مع الولاد تاني هتفقع لها عينها عشان متبصش لحد!
والأبشع إنها فعلًا قربت صباعها من عين الطفلة وحاولت تأذيها.
هنا أم ملك فقدت أعصابها تمامًا، جابت عصاية كانت جنب باب البيت وضربت حماتها بيها عشان تبعدها عن بنتها، ولما نعيمة وقعت على الأرض، الأم فضلت تضرب فيها وهي بتصرخ من الخوف والغضب.
باقي مراتات ولادها سمعوا الصريخ ونزلوا، ولما شافوا إن نعيمة كانت هتأذي عين الطفلة، دخلوا يخلصوا البنت من إيديها، وفي وسط الخناقة اتكسرت صوابع نعيمة واتجرح وشها.
الجيران اتجمعوا، والرجالة وصلوا، ولما شافوا أمهم واقعة على الأرض، جابوا لها دكتور ركب لها

تم نسخ الرابط