عشم مكسور.. صابرين محمد

لمحة نيوز

جبيرة في إيديها، وطلعوها أوضتها.
لكن الصدمة كانت في رد فعل ولادها، محدش فيهم زعل عليها، ولا واحد وقف يلوم مرات أخوه، لأن كل واحد كان فاكر اللي عاشه على إيديها، وشايف إن اللي حصل نتيجة سنين من القسوة.
نعيمة فضلت تصرخ وتطالب إن ولادها يعملوا محضر في مرات ابنها، ويطلقوها ويرموها هي وبنتها بره البيت، لكن ابنها صاحب البنت وقف قدامها وقال لها إنه مش هيسمح لها تقرب من بنته تاني مهما حصل.
وبعد كام يوم، لما بدأت تتحرك شوية، جم ولادها واتكلموا معاها، وحذروها إنها لو مدت إيدها على أي حد تاني، محدش فيهم هيتدخل ينقذها من نتيجة تصرفاتها.
لكن نعيمة بدل ما تراجع نفسها، فضلت تشتم فيهم وتقول إنهم ولاد عاقين وإن مراتاتهم هما اللي بوظوهم.
وبعدها بدأت تتصل بولادها واحد ورا التاني، وتطلب من كل واحد ياخدها تعيش معاه، لكن كلهم رفضوا. واحد قال لها شقته صغيرة، والتاني قال إن مراته مش موافقة، والتالت قال لها إنه مش هيقدر يتحمل مشاكل جديدة.
وفي الآخر اتصلت بابنها الرابع محمود، اللي هو جوزي، وطلبت منه يروح لها لوحده.
لما راح، لقاها قاعدة على السرير وإيدها لسه في الجبس، وبدأت تعيط وتشتكي من إخواته، وتقول له إنها ملهاش غيره وإنه لازم ياخدها تعيش معاه في المدينة.
محمود حاول يقنعها إنها تفضل في بيتها، وإنه مستعد يتكفل بمصاريفها ويجيب لها حد يساعدها، لكنها رفضت وقالت له إنها مش عايزة حد غريب يخدمها، وإنها عايزة تعيش في بيته هو.
رجع محمود البيت وهو مهموم، ولما حكى لي طلب أمه، قلت له إني مش موافقة.
قال لي إن دي أمه، وإنه مش عايز يحس إنه سايبها في وقت هي محتاجاه فيه، لكن أنا قلت له إن مساعدتها واجب، إنما إننا ندخلها بيتنا ونعرّض ولادنا لنفس المعاملة اللي شافها إخواته، فده شيء تاني خالص.
حاول يقنعني إنها ممكن تتغير، وإننا نستحملها فترة لحد ما إيديها تخف، لكني بصيت له وقلت
لو أمك دخلت البيت، أنا وعيالي هنخرج منه، ومش هقبل إن ولادي يعيشوا في خوف كل يوم عشان نرضي حد.
اتضايق من كلامي، وقال لي إني بحطه في اختيار صعب بين أمه ومراته، لكن أنا رديت عليه وقلت له إني مش بطلب منه يقطع أمه، ولا يمنع عنها المساعدة، أنا بس برفض إنها تعيش معانا.
وبعد نقاش طويل، اقترحت عليه إن أمه تفضل في بيتها الصغير اللي جنب البيت الكبير، وإخواته يتفقوا على مصاريفها، وكل واحدة من مراتات إخواته تساعد في الأكل والتنضيف بالتناوب، من غير ما حد يضطر يعيش معاها.
محمود ارتاح للفكرة، وكلم إخواته، وكلهم وافقوا، وراحوا يعرضوا الحل على أمهم.
لكن نعيمة رفضت بعناد، وفضلت تصرخ وتقول إنها مش عايزة تعيش في بيت لوحدها، ولا عايزة حد من مراتات ولادها يدخل عليها، وإنها مصممة تعيش عند محمود بالذات.
ولما إخواته حاولوا يفهموها ليه مصممة على بيت محمود دون غيره، اتعصبت وقالت لهم إن ده ابنها اللي لسه عنده ضمير، وإن الباقيين باعوها.
محمود رجع البيت تاني يوم، وكان واضح عليه إنه مش مرتاح، وقال لي إن أمه بعتت له رسالة بتقول فيها إنها مش هتسامح حد فيهم لو سابوها تعيش لوحدها.
ومن وقتها بقى جوزي محتار، لا هو قادر يرفض طلب أمه، ولا هو عايز يخسر بيته ومراته وولاده.
لكن اللي أنا مش فاهماه لحد دلوقتي، ليه حماتي مصممة تعيش عند محمود بالذات، مع إن عندها أربعة أولاد غيره، وكلهم يقدروا يساعدوها؟ وليه رافضة الحل اللي كل إخواته وافقوا عليه؟
يا ترى محمود هيعمل إيه؟ وهل هيقدر يحافظ على بيته من غير ما يسيب أمه؟ ولا هيستسلم لضغطها ويدخلها تعيش معانا، حتى لو ده معناه إن بيته كله يتقلب جحيم؟صابرين محمد
الجزء الثاني والأخير
محمود فضل طول الليل يفكر في كلام أمه، وفي تاني يوم قرر يروح لها ومعاه أخوه عماد، وقال لي إنه مش هياخد أي قرار قبل ما يعرف هي مصممة عليه ليه بالذات.
لما وصلوا، لقوها قاعدة على السرير، وأول ما شافت عماد اتضايقت وقالت لمحمود
إنت جايبه معاك ليه؟ أنا طلبت أشوفك إنت لوحدك!
محمود رد عليها
عشان إحنا إخوات، ومفيش حاجة المفروض تتخبى بينا.
عماد كان ساكت، لكنه طلع ورق من شنطته وحطه قدامها، وقال لها
يا أمي، إحنا عرفنا إنك بعتي قطعة الأرض اللي كانت باسمك من ورث أبويا، وخدتي فلوسها من غير ما تقولي لحد. إحنا مش معترضين إنك تتصرفي في حقك، لكن ليه مخبية الموضوع؟ وليه مصممة تعيشي عند محمود بالذات؟
نعيمة اتلخبطت، وبصت لمحمود وقالت له
إنت كمان بتسألني وبتحاسبني؟ أنا أمك!
محمود قال لها
أنا مش بحاسبك، بس عايز أفهم. إنتِ بعتي الأرض، والفلوس راحت فين؟
فضلت ساكتة شوية، وبعدها قالت إنها باعت الأرض من فترة، وصرفت جزء كبير من فلوسها، ولسه معاها مبلغ مخبياه. وكانت خايفة إخواته يعرفوا ويطلبوا منها نصيبهم، خصوصًا إن الأرض كانت سبب خلاف قديم بينهم بعد وفاة أبوهم.
عماد قال لها
إحنا مش جايين ناخد منك فلوس، بس إنتِ كنتِ عايزة تروحي تعيشي عند محمود عشان تبعدي عننا وتخليه هو يشيل مسؤوليتك لوحده، وفي نفس الوقت محدش يعرف إنتِ عملتي إيه.
نعيمة ردت بعصبية
أنا حرة في فلوسي، ومش من حق حد يسألني!
محمود
تم نسخ الرابط