رواية التوأمتان أثير وأسيل الفصل الثاني 2 بقلم سلمى محمد
المحتويات
لي عشان اتجوزه كان فاكر نفسه أول ما يعرض عليا الجواز هركع تحت رجليه
فتحت أثير عينيها بدهشة وقالت
والله حرام عليكي هو عشان طارق كسرك تقومي تظلمي كل الرجالة كده
هزت أسيل رأسها بإصرار وقالت
وحياتك عندي كلهم صنف واحد
اعترضت أثير وقد بدا الغضب على ملامحها
لأ ده كلام قاسي وظالم مش كل الرجالة شبه بعض خدي عندك بابا كان بيحب ماما حب حقيقي ولما ماتت ماتت روحه معاها
نظرت أسيل إليها نظرة ماكرة وقالت بخفة
انتي عايزاني أحكيلك ولا لأ
ردت أثير وهي تعدل جلستها
احكي ياشهرازد
قالت أسيل بنبرة مستمتعة
آخر واحد دخل حياتي كان اسمه سيف الأنصاري من عيلة تقيلة غنى فاحش وثقة زايدة عن اللزوم
سيف كنت عارفة من أول لحظة بس على مين
كان فاكر نفسه أول ما يشاورلي هقع في غرامه
عرفت أخليه يحبني ويتعلق بيا
وبالنسبالي
كان مجرد محفظة فلوس
شهقت أثير وقالت بذهول
إيه الجبروت ده كله يا شيخة
تأملت أسيل السقف بشرود قبل أن تلتفت إلى أثير وتقول بنبرة تحمل بعض الفخر
أنتي عارفة إن الشقة دي هو اللي اشتراها لي وكمان كتبها باسمي ده غير العربية والفساتين وكل حاجة طلبتها كانت بتتجاب لحد باب البيت
نظرت إليها أثير بعين قلقة ووجه متجهم
أنتي عمرك ما كنتي كده يا أسيل ما كنتيش طماعة أنا خايفة عليكي تقعي في إيد واحد مايرحمكيش
ابتسمت أسيل بثقة وقالت وهي ترفع حاجبيها
متخافيش عليا أختك جدعة تاخد وما تديش
زفرت أثير بقلق
يا خوفي عليكي من الثقة الزيادة دي
نهضت أسيل من مكانها وهي تمسك بكوب قهوتها وتقول
خلينا في الكلام اللي يجيبلك فلوس أنا شوفتلك شغل
رفعت أثير رأسها بسرعة وبدا الحماس في عينيها
خلاص أنا هاشتغل
أومأت أسيل برأسها وهي تقول
مبدئيا الشغل مدته أسبوع
شهقت أثير وارتفع صوتها
شغل إيه اللي يجيب خمسين ألف في أسبوع أوعي تكوني عايزاني أعمل حاجة تغضب ربنا أنا بقولك من دلوقتي لأ
نظرت إليها أسيل باستياء
إنتي اتجننتي تفكري فيا كده
هزت أثير رأسها بحيرة
طب أفكر فيكي إزاي في شغل يدي المبلغ ده في أسبوع
رفعت أسيل يدها تطلب منها الصمت
أقفلي بقك شوية خليني أشرح
جالي عرضين في نفس الوقت واحد في دبي والتاني في باريس
والاتنين نفس المدة أسبوع
أنا هاخد باريس وإنتي هتروحي أسبوع الموضة في دبي
قطبت أثير جبينها وهي تقول بتحفظ
لأ يا أختي
ضحكت أسيل وقالت تطمئنها
متخافيش ده أسبوع الموضة الخاص بالعبايات وكمان بالحجاب
كل سنة بيتعمل في دبي معرض كبير بيعرضوا فيه أحدث موديلات العبايات
نظرت أثير إليها بشك
يعني مفيش حاجة من جسمي هتبقى باينة
أيوه خالص
موافقة
ابتسمت أثير وقالت بحماس
موافقة موافقة
بس طب ويحيى
ومين هيدي خالتي العلاج في ميعاده
ربتت أسيل على يدها مطمئنة
سيبي الموضوع ده عليا
هجيب لها مربية تقعد معاها وتديها العلاج في مواعيده
يعني خلاص أبلغ دار الأزياء إنك موافقة
أيوه موافقة
دول خمسين ألف هيساعدوني كتير أوي
مدت أسيل يدها
هاتي بطاقتك علشان أطلعلك باسبور
أخرجت أثير بطاقتها من جيبها بسرعة وهي تضحك
خدي دي دايما معايا
قوليلي هسافر إمتى
كمان يومين
سكتت أثير لحظة ثم قالت بعينين تغرورقان ببعض الأمل
أنتي عارفة المبلغ ده هيغيرلي حياتي
هقدر أكمل تعليمي وممكن كمان أعمل مشروع صغير أقدر أصرف بيه على البيت
نظرت إليها أسيل بنظرة جدية
من دلوقتي اسمك هيبقى أسيل
لو أي حد سألك عن اسمك هتردي تقولي إيه
نظرت أثير إليها وابتسمت
هقول
نظرت لها أسيل بعين خبيرة قبل أن تقول
متابعة القراءة
