رواية التوأمتان أثير وأسيل الفصل الثاني 2 بقلم سلمى محمد
آخر حاجة تعالي أعلمك مشية ال كات ووك
كانت الموسيقى تنساب بهدوء من مكبر الصوت الصغير في زاوية الغرفة بينما انعكس ضوء المصباح على الأرضية اللامعة مرسوما على شكل ممر وهمي لعرض الأزياء وقفت أثير على الكعب العالي تتمايل بتردد تحاول مجاراة تعليمات أسيل الصارمة
أثير قضت أكثر من ساعة في التدريب على الوقفة والنظرة والخطوة شعرت بأن قدميها لم تعد تحتمل المزيد تنفست بصعوبة ومسحت عرقا بدأ يتكون على جبينها ثم توقفت فجأة وقالت بتنهيدة مرهقة
خلاص يا أسيل أنا تعبت كفاية كده
رفعت أسيل حاجبا باستهجان وتقدمت نحوها بخطوات محسوبة
تعبانة ده أنا لسه ما بدأتش معاك بجد
المشية دي لو ما ظبطتش هيبان عليكي إنك دخيلة ومش محترفة
أثير وهي تخلع الحذاء وتجلس على طرف الأريكة قالت بنبرة متوسلة
يا شيخة سيبيني أتنفس شوية رجلي مش حاسة بيها
أنا عمري ما مشيت بكعب كده ولا حد وقفني ساعة كاملة يقول لي رجلك اليمين لا الشمال عيدي تاني
ضحكت أسيل
معلش يا تيتا أنا عارفة إنه
صعب بس ده شغلك وهي دي أول خطوة في عالم مش سهل
أثير رغم تعبها ابتسمت ابتسامة صغيرة
العالم ده مؤقت بالنسبة لي عشان محتاجة قوليلي بقى الفلوس هاخدها إمتى
أسيل وهي تفتح ملفا صغيرا على الطاولة
لما تسافري الأول وتحضري عرض الأزياء
تنهدت أثير ثم قالت وهي تلتقط هاتفها
هسيبك بقى أروح أقول لخالتي على موضوع السفر
أسيل دون أن ترفع نظرها
كمان يومين تيجي تاخدي الباسبور وتجهزي نفسك
أثير وهي تمشي نحو الباب
مع السلامة نتقابل كمان يومين
في بيت خالتها تحية كان الجو مختلفا تماما سكون ثقيل يسكن المكان ووجه تحية يترقب كلمات أثير
جلست أثير مترددة ثم نطقت بصوت خافت
أنا لقيت شغل
رفعت تحية رأسها فجأة وقد بدت عليها علامات الارتياح المؤقت
الحمد لله إنك لقيتي شغل
الشغل ده فين
أثير متجنبة النظرات المباشرة قالت
في دبي
تحية شهقت وكأنها سمعت شيئا غير منطقي
إنتي بتقولي في دبي
إحنا هنا في مصر والشغل هناك أفهم بس إزاي يعني
أثير وقد بدأ التوتر يظهر في صوتها
أصل أصل يا خالتي
تحية وقد علا صوتها بنفاد صبر
ردي يا بنت مالك مش قادرة تقعدي على بعضك ليه
أثير بعد تردد طويل
أسيل هي اللي جابتلي الشغل ده
تحية وقد تحولت لهجتها إلى الغضب الحاد
أنا مش قولتلك بدل المرة ألف ملكيش دعوة بيها
شغل إيه اللي هي جايباهولك
أثير حاولت تهدئتها
بصي يا خالتي هقولك كل حاجة بس أوعديني ما تتعصبيش
تحية زفرت بحدة
خلصي وقولي أنا أعصابي خلاص مش مستحملاك
أثير نطقت الكلمة بسرعة كأنها تخلصت من حمل
موديلز
تحية صاحت بأعلى صوتها
يا لهوووي يا لهووووي
البنت ضاعت مني خلاص
أثير وهي تحاول الإمساك بيدها
أهدى شوية يا خالتي خليني أشرحلك بس
تحية بصوت مهتز من الغضب
فيها
أنا مش هعيد الكلام ده تاني
مفيش سفر يا أثير
كفاية حرقت قلبي على أختك
أثير انحنت قليلا نحوها وقالت برجاء
معلش يا خالتي طب اسمعيني الأول وبعد كده اللي تقولي عليه هنفذه
سكتت تحية ووضعت يدها على فمها إشارة منها أن تتكلم
أثير بدأت تشرح وهي تحاول الحفاظ على صوتها ثابتا
الشغل مدته أسبوع في دبي
هكون فيه موديلز مع دار أزياء متخصصة في العبايات وفساتين المحجبات
يعني حتى وأنا هناك هكون لابسة الحجاب وكل حاجة محترمة
تحية نظرت إليها بشك
يعني مفيش حاجة مكشوفة
أثير أكدت بثقة
أيوه يا خالتي ده أسبوع موضة للعبايات بس وده بيتعمل هناك كل سنة
تحية بعد لحظة صمت
مش عارفة أقولك إيه قلبي مش مطمن للسفرية دي
أثير أمسكت يدها بحنان وقالت
معلش إنتي عارفة ظروفنا وده مبلغ كبير خمسين ألف جنيه في أسبوع
أقدر أكمل تعليمي أعمل مشروع صغير
أدعيلي بس يا خالتي
نظرت
أنا بدعيلك على طول مابلاش تسافرى وخليكى معايا
