حب من ورا الشباك…جبر بعد صبر بقلم سلمى
دخل العريس وأهله قمت أقدّم العصير إيدي كانت بترتعش رفعت عيني بالصدفة والكباية كانت هتقع الدنيا وقفت الزمن اتشل الراجل اللي قدامي كان محمود بنفس الملامح بنفس النظرة.
محمود اتجمد مكانه بص لي كأنه بيشوف حلم وقال بصوت واطي إنتي؟ إزاي؟
دموعي نزلت من غير استئذان.
قعدنا لوحدنا محمود كان متلخبط قالّي أنا عارف إنك متضايقة عارف إن جواكي حاجات يمكن زعلانة إني كنت متجوز وإنك وافقتي بالعافية ضحكت ضحكة طالعة من قلبي.
قلتله ببساطة أنا زعلانة بس علشان كنت متجوز غيري الجملة نزلت عليه زي الصدمة فتح عينه وقال نعم؟ إنتي بتقولي إيه؟ نفَست وكأني أخيرًا بطلع الروح المحبوسة.
قلتله بحبك من خمس سنين خمس سنين وأنا واقفة ورا الشباك مستنياك برفض كل اللي يتقدمولي علشانك عمري ما كنت شجاعة أتكلم بس قلبي كان بيصرخ كل يوم باسمك.
كمّلت وأنا بعيط ما كنتش عارفة ليه وافقت على عريس مطلق دلوقتي بس فهمت ربنا خلاني أقبل أي حد علشان أنساك فكافأني وخلاك إنت الشخص ده وكأن القدر كان بيضحك علينا.
محمود حس بالذنب ندم على كل صباح عدّى وكل مرة مشي وما رفعش عينه حس إنه ضيّع كنز كان تحت عينه ومد إيده وقالّي سامحيني لو الزمن يرجع كنت هقف تحت الشباك وأنادي اسمك.
ومن اليوم ده الحارة كلها اتكلمت عنّا عن العروسين اللي القدر لعب بيهم وبعدين جبرهم عني أنا
بعد الجواز صحيت أول يوم جنب محمود وأنا مستغربة حاسة إن الحلم لسه ممكن يطير لو فتحت عيني زيادة.
بصّيتله وهو نايم نفس الوش اللي كنت بشوفه من ورا الشباك بس المرة دي قريب قريب قوي من غير زجاج من غير مسافة من غير خوف مدّيت إيدي ولمست إيده وابتسمت وقلت في سري أخيرًا.
محمود كان بيبصلي كتير كأنه بيعوض سنين العمى يسمع ضحكتي يحفظ تفاصيل وشي طريقة كلامي حتى سكوتي وكان دايمًا يقولّي أنا مش مصدق إنك كنتي جنبي ومش شايفك.
كنت أضحك وأرد يمكن علشان الحب ما بيبانش غير لما القلب يكون جاهز ويمكن
بقينا نمشي في الشارع سوا نفس الشارع اللي كنت واقفة فيه لوحدي نفس البيوت نفس الناس بس الإحساس مختلف كنت حاسة إني مش لوحدي وإن قلبي أخيرًا لقى مكانه.
وفي كل مرة تعدي الساعة سبعة الصبح أفتكر نفسي وأنا مستنية وأبص لمحمود وهو بيستعد للشغل وأضحك وفي الساعة اتناشر أستناه يرجع بس المرة دي من ورا باب البيت مش الشباك.
عرفت ساعتها إن بعض الحكايات لازم تستنى علشان لما تكمل تكمل صح من غير نقص من غير ندم ومن غير خوف.
واتعلمت إن اللي بيصبر من غير ما يشتكي ربنا بيعوضه يمكن متأخر بس دايمًا أحلى
