إخواتي فضلوا يضحكوا عليا حكايات صابرين محمد
إخواتي فضلوا يضحكوا عليا لما رفضت أبيع مزرعة أبويا القديمة وقالولي خدي فلوسك وسيبي الخرابة دي تتباع! كانوا فاكرين إني أغبى واحدة فيهم ، لكن محدش فيهم كان يعرف إن المحامي وهو بيسلمني عقد المزرعة ، دس في إيدي ورقة صغيرة من أبويا وقاللي اقريها لوحدك دي وصيته ليكي إنتِ بس. أول ما فتحتها ، حسيت إن الأرض بتميد بيا وعرفت إن أبويا كان مخبي سر عمره كله والسر ده هيقلب حياة العيلة كلها رأسًا على عقب
لكن قبل ما أوصل للباب...
المحامي ناداني بصوت واطي.
بص حواليه الأول، ولما اتأكد إن إخواتي خرجوا، فتح درج مكتبه، وطلع عقد ملكية المزرعة.
ناولني العقد...
ومعاه ورقة صغيرة متطبقة بعناية.
لما استغربت، ابتسم ابتسامة غامضة وقال بصوت كله أسرار
أبوكي سلمني الورقة دي قبل وفاته بفترة، وقاللي محدش يشوفها غير الابن أو البنت اللي هتختار تحتفظ بالمزرعة، وترفض تبيعها مهما حصل.
إيدي كانت بتترعش وأنا باخد الورقة من إيد المحامي، رعشة غريبة عمري ما حسيت بيها قبل كده، كأن الورقة دي مش مجرد كام سطر مكتوبين على حتة ورق، لكن كأنها شايلة فوقها عمر كامل من الأسرار، وأيام طويلة أبويا عاشها وهو شايلها جواه من غير ما ينطق بحرف واحد.
وقتها مكنتش أعرف إن اللحظة اللي أنا واقفة فيها دي هتقسم حياتي أنا كمان نصين...
نص كنت
ونص تاني هكتشف فيه إن الراجل اللي رباني طول عمري كان مخبي حكاية كاملة، حكاية عمرها ما خطرت على بالي، ولا حتى في أغرب خيالاتي، وإن السطور القليلة اللي هقراها بعد ثواني هتهد الصورة اللي كنت راسماها عنه من وأنا طفلة، وهتفتح باب أسرار فضل مقفول سنين طويلة تحت سقف المزرعة، من غير ما حد فينا يحس إنه موجود أصلًا.
فضلت أبص للورقة شوية، وأقلبها بين صوابعي، وأرجع أبص للمحامي، وكأن جوايا جزء خايف يفتحها، وجزء تاني مستعجل يعرف الحقيقة مهما كانت قاسية.
كانت الورقة متطبقة بعناية شديدة، لدرجة حسستني إن اللي طواها كان بيحاول يحافظ عليها أكتر ما بيحافظ على نفسه.
خدت نفسًا طويلًا...
وفتحتها ببطء شديد.
أول حاجة شفتها كانت أربع أرقام مكتوبة بخط إيد أبويا اللي مستحيل أغلط فيه...
٤٧٢٩.
وتحت الأرقام دي مباشرة، كان فيه سطر واحد، لكنه وقع على قلبي كأنه جبل.
لو الورقة دي وصلت لإيدك... يبقى إنتِ الوحيدة من ولادي اللي تمسكت بالمزرعة قبل ما تعرفي إيه اللي مستخبي فيها. وده معناه إنك اخترتِ ذكرى أبوكي قبل أي مصلحة. روحي مكتبي في المزرعة، ودوري ورا المكتبة الخشب الكبيرة... هناك هتعرفي الحقيقة اللي فضلت مخبيها عنكم طول عمري.
وقفت مكاني.
لا عرفت أتكلم...
ولا حتى أتنفس.
فضلت
وكل مرة كنت بحس إن الكلمات بتكبر، وإن معناها أعمق من اللي قبلها، وكأن أبويا مش بيكلمني عن المزرعة، لكنه بيكلمني عن نفسه، عن سنين كاملة عاشها وهو شايل سر محدش فينا عرف عنه أي حاجة.
أبويا...
كان مخبي إيه؟
وليه السر ده فضل مدفون كل السنين دي؟
وليه أنا بس اللي المفروض أعرفه؟
وليه اشترط إن اللي يتمسك بالمزرعة هو الوحيد اللي توصل له الرسالة؟
رفعت عيني للمحامي وأنا حاسة إن صوتي خارج بالعافية من بين ضلوعي، وقلتله
حضرتك... هو أبويا كان يقصد إيه؟ حضرتك أكيد عارف... مش معقول يكون سابلك الورقة دي من غير ما يقولك أي حاجة.
بصلي المحامي بنظرة كلها أسف، وهز راسه في هدوء، وقال
والله يا بنتي، دي أمانة. وأقسم بالله منفذتش منها حرف. أبوكي سلمني الورقة دي قبل وفاته، وقالي بالحرف الواحد لو حد اختار المزرعة ومتخلاش عنها، إديله الورقة، ولو سألك متقولوش أي حاجة... لأنه لازم يعرف الحقيقة بنفسه.
كلامه زود حيرتي بدل ما يريحني.
خرجت من المكتب، وأنا حاسة إن رأسي بقت مليانة ألف سؤال، وكل سؤال منهم أتقل من التاني.
لقيت إخواتي واقفين بره.
أول ما شافوني خارجة والورقة في إيدي، بصوا لبعض وضحكوا.
قال أخويا الكبير بسخرية
خير يا ست الكل... المحامي كتبلك شيك بالملايين؟
ورد التاني وهو بيقهقه
ولا يمكن الخرابة طلعت فوق منجم دهب وإحنا اللي الأغبيا؟
زمان...
كان ممكن كلامهم يوجعني.
وكان ممكن أقف أدافع عن نفسي.
لكن المرة دي...
مكنش عندي أي رغبة أرد.
لأن كل كلمة كانوا بيقولوها كانت بتبعدني عنهم أكتر، وتقربني من الحقيقة اللي مستنياني.
بصيت للساعة...
كان الوقت قرب المغرب.
كان ممكن أرجع بيتي وأأجل كل حاجة لبكرة...
لكن كان فيه إحساس جوايا بيقولي إن الحقيقة مستنياني من سنين، ومينفعش أسيبها تستنى ليلة كمان.
ركبت عربيتي، والورقة لسه بين صوابعي.
ومن ساعة ما دورت العربية، وأنا سايقة من غير ما أحس بالطريق ولا بالمسافة.
كل اللي كان بيتردد في دماغي جملة واحدة، كأنها بقت صوت أبويا بنفسه
دوري ورا المكتبة الخشب الكبيرة...
وصلت المزرعة قبل الغروب بدقايق.
كانت الشمس وهي بتستخبى ورا الشجر مديّا المكان رهبة غريبة، رهبة عمرها ما كانت موجودة وأنا صغيرة.
نفس الطريق الترابي...
نفس الأشجار اللي كنت بجري بينها وأنا طفلة...
نفس الترعة اللي كان أبويا يقعد قدامها بالساعات بعد المغرب...
حتى صوت العصافير كان هو هو.
لكن من غيره...
كل حاجة كانت باينة كأنها فقدت روحها، وكأن المكان كله دخل حداد من يوم ما صاحبه مشي.
فتحت باب البيت ببطء، فصدر نفس الصرير القديم اللي كنت بسمعه كل مرة
ريحة الخشب المعتقة لسه مالية
